Prosiectau

Mae gwirfoddolwyr yn defnyddio platfform dwyieithog ar-lein i dagio, mynegeio a thrawsgrifio copïau digidol o gasgliadau archifau i helpu i’w gwneud yn fwy hygyrch i ymchwilwyr y dyfodol a dathliadau ehangach.

Cyd-weithio i fynd i’r afael â’r gofynion ar gyfer cadw a rheoli cofnodion digidol ledled Cymru. Yr amcan yw cefnogi cadwraeth ddigidol mewn modd cydweithredol, gan roi ystyriaeth i bethau angenrheidiol sefydliadol unigol.

Wedi’i neilltuo i fynd i’r afael â’r bylchau mewn archifau a oedd yn effeithio ar gymunedau ar y cyrion yng Nghymru, gyda’r nod o blethu naratif mwy cytbwys. Nod craidd y prosiect oedd ymgysylltu â chymunedau heb gynrychiolaeth ddigonol i greu casgliad a oedd yn cofnodi eu meddyliau, eu straeon, a’u profiadau byw.

Cynyddu’r gallu i gadw gwybodaeth ddigidol anedig, a chynorthwyo gwasanaethau archifau awdurdod lleol i gyflenwi yn erbyn gofynion cadwraeth ddigidol yn y Safon Achredu Archifau.

Canllawiau sy’n amlinellu arferion gorau ar gyfer sefydliadau bach, ac yn eu cynorthwyo i weithredu eu camau cyntaf tuag at gadwraeth ddigidol.

Adnabod cofnodion a oedd mewn perygl yn ystod pandemig Covid -19, ac i hwyluso strategaeth tymor hwy i gefnogi achub cofnodion yn y dyfodol. Datblygwyd a chyhoeddwyd pecyn cymorth ar-lein, i gartrefu adnoddau a chanllawiau am arolygu cofnodion a monitro risg.

Gwella ymwybyddiaeth o gasgliadau diwylliannol i bobl o fewn cymunedau Du, Asiaidd ac Ethnig Leiafrifol, a mynediad atynt. Roedden ni eisiau creu sylfaen gref ar gyfer datblygu casgliadau gyda’r cymunedau hynny, gan sicrhau bod eu profiadau byw yn rhan annatod o’n cofnod cenedlaethol.

Prosiect i ddeall y rhwystrau neu’r materion sy’n gysylltiedig â darparu mynediad hirdymor at gofnodion Cyngor, a datrysiad arfaethedig.

Cafodd mwy na 1,100 o fapiau degwm eu trwsio a’u digido yn ystod y prosiect. Trawsgrifiwyd tua 27,000 o gofnodion a’r dogfennau pennu sy’n cyd-fynd â nhw gan wirfoddolwyr ar-lein, gan eu cysylltu â rhifau caeau perthnasol ar y mapiau.

Prosiect i ehangu mynediad at gofnodion y prif weithfeydd dur yn ne a gogledd Cymru, yn ogystal â phapurau’r prif undeb llafur, gan roi dealltwriaeth gynhwysfawr o wahanol agweddau ar y diwydiant.

Defnyddiodd ddisgyblion Blwyddyn 9 o Ysgol Gyfun Sandfields adnoddau archifol megis ffotograffau, ffilmiau, mapiau a darnau o hanes llafar sy’n gysylltiedig â’r gwaith dur a’r ystâd i greu arddangosfa deithiol i ddathlu hanes ystâd Sandfields ym Mhort Talbot.